Copywriting utna aasaan nahi jitna ye lagta hai.
Watch Copywriting kya hai video? :
10 great lead generation tips and tricks in Hindi:
Social Media Marketing in Hindi –
Bounce rate kya hai? –
Bahut hi challenging job ho sakta hai ye. Aise topics ke baare mein likhna jiske baare mein aapko kuch pata nahi hai aur clients ke saath kaise deal karna hai ye bhi seekhna hota hai. Copywriting mein career banane ka agar aap soch rahe ho to usse pehle ye zarur clear kar lena ki kyu aap copywriting ka career chun rahe ho. Jitna zyaada aapka interest hoga utna hi aap patience ke saath is career mein aage badh payenge. Warna bahut mushkil ho sakta hai. To aaiye aapki help karta hu ye jaanne mein aapko copywriting ka career suit karega ya nahi. Normally jo aapke reasons ho sakte hai jiski wajah se aap copywriting ka career pursue karna chahte hai usme se ek to ye hai ki
1. Aapko likhna pasand hai:
To agar aapko likhna pasand hai to ye sochiye ki aapko kis tarah ki writing karna pasand hai. Creative, narrative, objective writing ya kisi aur tarah ki writing. Copy writing mein aapko kuch skills chahiye hote hai jaise research karne ki shamta. Readers ko engaged rakhne ki shamta. Lekin aapko agar likhna pasand hai to aap ye skills bhi seekh lenge.
2. Aap paise ke liye copywriting karna chahte ho:
Ho sakta hai ki aap soch rahe ho ki side by side copywriting karke aap paise kamale ya full time copywriting karke paise kamale. Ha copywriting field mein paisa to hai. Par ye baat dhyan mein rakhiye ki jab tak aap acche copywriter nahi ban jaate tab tak zyaada paise kamana mushkil hoga isme. Waise to ye cheez almost har cheez mein hai, aapko jitna experience hota hai aap utna seekhte jaate hai aur phir us hisaab se paise bhi zyaada kamaate hai.
3. Aapko writing ka experience chahiye
Ab ye bhi ek reason ho sakta hai jiske liye aap copywriting karna chahte ho. Aap ye karke writing ka experience lena chahte ho. Copywriting ka kaam karke aapki writing abilities improve ho sakti hai aur aap apna ek unique writing style bhi develop kar sakte hai. Iske saath readers ke saath engagement jaise skills bhi aapki improve hongi. Ye skills aapko aage aapke writing career mein kaafi kaam aa sakti hai jaise ki agar aap koi blog start karna chahte ho ya articles likhna chahte ho.
Ab dekhte hai ki kya challenges aapko aa sakte hai Copywriting ka career start karte samay. To agar aap Copywriting mein career banana chahte ho to aapko shuru mein jo challenges aa sakte hai wo hai ye-
1. Pehle to aapko Clients dhoondhne mein dikkat aa sakti hai-
Normally freelance copywriting mein aapko clients ke saath online deal karna hoga. Jab aapko client mil jaata hai to wo aapko apne article ke details bhejega jiske baare mein wo likhwana chahte hai. Ye simple lagta hai par asal mein kisi client se online connect karne mein bahut zyaada effort lag sakta hai aur kaafi patience ki bhi zarurat hoti hai. Phir client ko aapka proposal accept bhi hona chahiye. To copywriting ke career mein agar aap successful hona chahte ho to aapko accha time invest karna padega. Aap agar freelancing karenge to aapko Upwork aur writers.work jaise sites par opportunity search karni padegi. Aapko shuru mein jab experience nahi hoga to kuch clients ho sakta hai aapse ek trail article maange taaki unko tassali ho jaye ki aap unka kaam thik se karke doge. To kaam karte hue aapko pana portfolio strong banana padega jise aap client ko dikhakar unse aur kaam le saken aur iske liye aapko kaafi ghante nivesh karne padenge
2. Dusra challenge jo aa sakta hai wo hai topics ka
Ek copywriter ke roop mein waise to aap ek niche choose kar sakte hai. Jaise ki aap decide kar sakte hai ki aap kuch topics ke baare mein hi likhenge jiske baare mein aap confident mehsoos karte hai. Lekin doston shuruwaat mein experience lene ke liye aapko kaafi tarah ke topics ke baare mein likhne ke liye tayaar rehna hoga. Kyunki ho sakta hai ki aapko aapki pasand ke topics se related kaam nahi mil rahe hai. To aise mein aapko aise topics lene pad sakte hai jinke baare mein aap sure nahi ho. Career ke starting mein aisa ho sakta hai. Client aapko keh sakta hai ki use decoration ke baare mein likhna hai, ya khilono ke baare mein. Kuch bhi topic ho sakta hai.
